Ելնելով ՀՀ տնտեսությանը սպասվող աննախադեպ զարգացման հեռանկարներից և առաջիկա երկու տարիների ընթացքում բնակչության կենսամակարդակի կտրուկ աճից , ՀՀ կառավարությունը 2010 թվականի հունիսի 10-ի 759 որոշման 8-րդ հավելվածով «Փոքր և միջին ձեռնարկատիրության Ազգային Կենտրոն» հիմնադրամին հանձնարարեց նախապատրաստել և իրականացնել մի խոշորամասշտաբ Ազգային, Ռազմավարական մեծ նշանակություն ունեցող և բնակչության երկրից դուրս գալը կանխարգելող ծրագիր, այն է 2(երկու) 2 (երկու) խցիկանոց զուգարանների ներկրում և տեղադրում, ընդհանուր գումարով 100 000 000(հարյուր միլիոն) դրամ: ՀՀ կառավարությունը էկոնոմիկայի նախարարությանը հանձնարարեց պայմանագիր կնքել «հիմնադրամի» հետ 2 հատ 2 խցիկանոց զուգարանների գնման համար, ըստ որում կառավարությունը խիստ ընդգծեց, որ յուրաքանյուր զուգարանի մեջ 2 խցերից մեկը հատկացվում է «սակավաշաժուն խմբերի համար», հասարակ հայերենով՝ ինվալիդների համար: ՀՀ կառավարությունը հանձնարարեց քաղաքապետարանին տարածք հատկացնել այդ չնաշխարհիկ զուգարանների համար, ինչպես նաև կոնկուրսային կարգով զուգարանները մասնավորեցնել նոր տերերին, որոնք պարտավոր են հոգալ բնակչության քաքել-շռելու հարցը, առանց վնասելու զուգարանի հատակն ու առաստաղը, խուսափելով ցռել պատերին և այլ չնախատեսված մասերին: ՀՀ կառավարությունը հայրական հոգատարություն է ցուցաբերում երևանցուն, առաջիկա խորհրդարանական ընտրություններում բնակչության 100 տոկոսանոց մասնակցությունը ապահովելու համար, քանի որ կառավարությանը հասու է դարձել մի նոր կուսակցության ստեղծման մասին լուրերը «Առավոտ»-ի կողմից : Ըստ այդ լուրերի հիշյալ կուսակցության անդամները որոշել էին քաքմեջ անել ՀՀ կառավարության ընտրությունների նախապատրաստական աշխատանքները: Զուգարանների մասին ՀՀ կառավարության որոշումը ուժի մեջ է մտել 2010թ. սեպտեմբերի 15-ից , վարչապետ մակագրությամբ Տ. Սարգսյան: ԶԼԻ-մների մի մասը պնդում է, որ դա պետք է համհնչուն լինի «զուգարանների մասին» որոշմանը, ուստի պետք է կարդալ Տռանսարգսյան: Ներկայացվում է նաև զուգարանների մասին ՀՀ կառավարության որոշումից բխող բոլոր զարգացումները և փաստաթղթերը: http://www.gov.am/files/procurement/278.pdf

ԳՈՎԱԶԴ. Եթե դուք ցանկանում եք ունենալ ՀՀ կառավարության որոշումով արտասահմանից ներկրված տափակ տանիքներով երկտեղանոց զուգարաններ, ապա հիշեք դուք պարտավոր եք ունենալ սեփականաշնհորված կոյուղի, հարակից սենյակներ բնակչության կարիքները հոգալու համար, ծառայողական անձնակազմ, հաճախորդի քամակները սրբել-լվանալու համար, հեռախոս, ինտերնետ, բանկային հաշիվ և գրանցվել հարկային տեսչությունում, որպես սեփական ձեռնարկության տեր: Ունենալ սանիտարական ծառայությունների թույլատվությունը, թաղապետարանի որոշումը, դրամարկղ և հաշվարկային տետրակ հաճախորդների անուն-ազգանուններով, տնային հասցեներով և անձնագրային տվյալներով: Զուգարաններ ձեռք բերելու համար զանգահարել ՀՀ Էկոնոմիկայի նախարարություն՝ հեռ. 56-61-85, ֆաքս 52-65-77: Կամ Elen Hosepyan, հեռ.526055 Մեկ զուգարանի գինն է մոտ 130 000(հարյուր 30 հազար) դոլլար: Զուգարանները օգտագործված չեն և նախատեսված են ընտրական իրավունք ունեցող երկսեռ քաղաքացիների համար: ԶՈՒԳԱՐԱՆՆԵՐԻՑ ՉՕԳՏՎՈՂ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ (ԶՉՀԿ)