Ամերիկացիները դրոտիկատիպ, ինքնանշանառվող փամփուշտ են հայտնագործել փոքր տրամաչափի հարթափող հրազենի համար: Sandia National Laboratories-ում ստեղծված փամփուշտը ունակ է լազերով նշանառվող թիրախը խոցել 2 կմ հեռավորության վրա:
Գյուտարարների խոսքով, փամփուշտը ստեղծվել է բացառապես մատչելի բաղադրիչներից, ինչը նշանակում է, որ սերիական արտադրությունը կարող է արագ սկսվել:
Ենթադրաբար նոր փամփուշտը պիտանի կլինի զինվորականների, ոստիկանների եւ պարզապես կրակել սիրողների համար: Փամփուշտը 10 սմ երկարությամբ զինամթերք է` քթամասում օպտիկական սենսորով: Այդ սենսորն էլ գտնում է լազերի նախանշած թիրախը եւ խոցում: Պլաստիկե գնդակը կայունացուցիչ ունի: Հատուկ վառոդը կարող է փամփուշտը համապատասխանեցնել բանակային հրազենի համար:
| 
0
