Թուրք հայտնի իրավապաշտպան, Բելգե հրատարակչատան սեփականատեր Ռագըփ Զարաքոլուն, ով KCK-ի (Քուրդիստանի հասարակությունների միություն) գործի շրջանակներում գտնվում է կալանքի տակ, դիմել է Մարդու իրավունքների եվրոպական դատարան։
Firat գործակալության փոխանցմամբ՝ KCK-ի գործով արդեն 120 օր կալանքի տակ գտնվող Ռագըփ Զարաքոլուն փաստաբանների միջոցով դիմել է ՄԻԵԴ՝ մեղադրելով Թուրքիայի իրավապահ եւ դատական համակարգի պաշտոնյաներին՝ օրենքից դուրս գործելու մեջ։ Հայցում նշվել է, թե իր փաստաբաններին չեն տրամադրում իր ձերբակալությանն ու կալանքի վերաբերյալ բացատրություններն ու մեղադրանքի տեքստերը՝ պատճառաբանելով դա գաղտնիությունը չխախտելու սկզբունքով։
Հիշեցնենք, որ Ռագըփ Զարաքոլուն հայտնի իրավապաշտպան եւ հրատարակիչ է Թուրքիայում։ Նրա գլխավորած «Բելգե» հրատարկչատանը տպագրվել են Հայոց ցեղասպանության մասին բազմաթիվ գրքեր։ Զարաքոլուն 2011-ի փետրվարին այցելել էր Հայաստան։
Շվեդիայի խորհրդարանի մի խումբ պատգամավորներ դիմել են Նոբելյան խաղաղության կոմիտեին՝ 2012-ի Խաղաղության Նոբելյան մրցանակը թուրք հայտնի իրավապաշտպան, Բելգե հրատարակչատան սեփականատեր Ռագըփ Զարաքոլուին հանձնելու առաջարկով։
|